AMEA Rəyasət Heyətinin iclasında bir qrup gənc alimə Fəxri Fərman təqdim olunub
Fev 11 , 2016 | 12:25 / Mühim hadisələr
Oxunma ( 1263 )

Fevralın 10-da Azərbaycan Milli Elmlər Akademiyası Rəyasət Heyətinin növbəti iclası keçirilib. İlk olaraq AMEA-nın Humanitar və İctimai elmlər bölmələrinin hesabatları dinlənilib.

Sonra bir qrup gənc alimin AMEA-nın Fəxri Fərmanı ilə təltif edilməsi məsələsi müzakirə olunub.Bildirilib ki,  Azərbaycan Respublikası Prezidentinin "Gənclər üçün Prezident Mükafatı"nın təsis edilməsi haqqında" 02 iyul 2013-cü il tarixli Fərmanı olub. AMEA-nın prezidenti, akademik Akif Əlizadənin qeyd olunan fərmanın icrasını təmin etmək məqsədilə imzaladığı 29 oktyabr 2015-ci il tarixli sərəncama əsasən Akademiyanın elmi tədqiqat müəssisələrinin rəhbərlərinə elmdə yüksək nailiyyətlər əldə edən gənc alimlərin namizədliyini elmi bölmələrə təqdim etmələri tapşırılıb. Rəyasət Heyəti "Gənclər üçün Prezident Mükafatı"na AMEA-dan təqdim olunan namizədin seçim mərhələsində bilik və bacarıqlarına görə xüsusi fərqlənən bir qrup gənc əməkdaşın AMEA-nın Fəxri Fərmanı ilə təltif edilməsi haqqında qərar qəbul edib. Bu qərara görə 2015-ci il üzrə namizədliyi irəli sürülən və fərqlənən gənclərə akademik Akif Əlizadə AMEA Rəyasət Heyətinin Fəxri Fərmanlarını təqdim edib.

© Bütün hüquqlar qorunur. Xəbərlərdən istifadə edərkən www.gencalimler.az saytına istinad zəruridir.

Şurаnın fəaliyyətinin əsаs məqsədi AMEA üzrə fəaliyyət göstərən gənclərin еlmi pоtеnsiаlının аrtırılmаsı, müxtəlif təşəbbüslərinin stimullаşdırılmаsı, elmə axının təmin olunması, asudə vaxtlarının səmərəli keçirilməsinin təşkili,əldə еtdikləri еlmi yеniliklərin müxtəlif kütləvi informasiya vasitələrində işıqlandırılması, onlara mеtоdiki, infоrmаsiyа yаrdımının göstərilməsi və s. həyata keçirlməsindən ibarətdir. Şurаnın fəaliyyətinə həmçinin, elmin respublika üzrə təbliğ edilməsi və Azərbaycan elminin dünya elminə inteqrasiyasının sürətləndirilməsi məsələləri daxildir.