Azərbaycan Milli Elmlər Akademiyası akademik Ə.Quliyev adına Aşqarlar Kimyası İnstitutu Gənc Alim və Mütəxəssislər Şurası İnstitutda çalışan və oxuyan gənc tədqiqatçılar - gənc alim, doktorant və dissertantlar arasında Ümummilli lider Heydər Əliyevin anadan olmasının 93-cü ildönümünə həsr olunan "Ən yaxşı elmi məruzə" adlı növbəti müsabiqəsini elan edir. 05 APREL-10 MAY 2016-cı il tarixlərini əhatə edən müsabiqə müddətdə  iştirakçılar son bir ildə apardıqları elmi tədqiqatların ən mühüm nəticələri ilə bağlı məruzə edəcəklər.

Ekspert Komisiyasının yekun rəyi əsasında I, II və III yerlər üzrə qaliblər seçiləcək, onlara diplom və pul mükafatları təqdim olunacaq.

Müsabiqədə iştirak etmək istəyənlər 05 aprel 2016-cı il tarixindən etibarən növbəti 10 gün müddətində məruzələrinin adlarını İnstitut Gənc Alim və Mütəxəssislər Şurasına təqdim etməlidirlər.