Yaponiyanın “Kosugi Zohen Co” şirkətinin prezidenti Saki Kosugi AMEA Botanika İnstitutu və Mərkəzi Nəbatat Bağının (MNB) qonağı olub.Botanika İnstitutunun direktoru, AMEA-nın müxbir üzvü Validə Əlizadə qonağı İnstitutun fəaliyyəti, xüsusilə beynəlxalq əlaqələrin inkişafı istiqamətində əldə olunan nailiyyətlərlə tanış edib. Görüşdə iştirak edən Mərkəzi Nəbatat Bağının direktoru, b.ü.f.d. Vahid Fərzəliyev, eyni zamanda, Bağın inkişaf prespektivləri və canlı kolleksiyalarının zənginləşdirilməsi istiqamətində aparılan işlər haqqında məlumat verib.
S. Kosugi öz növbəsində şirkətinin fəaliyyətindən və həyata keçirdiyi layihələrdən söz açıb. Şirkətin prezidenti Azərbaycanın müxtəlif bölgələrində yapon bağlarının salınması və yapon mədəniyyətinin rəmzi sayılan sakura bitkisinin becərilməsi prespektivləri barədə məlumat verib. Yaxın gələcəkdə MNB-nın ərazisində də “Yapon bağ”ı güşəsinin yaradılması imkanları müzakirə olunub.
Sonda qonaq İnstitutda aparılan elmi tədqiqat işləri ilə yaxından tanış olub, MNB-nın canlı kolleksiyasını ziyarət edib.