Bu ilin may ayında Azərbaycan Milli Elmlər Akademiyasi (AMEA) Geologiya və Geofizika İnstitutu (GGİ) və “Total E&P Azerbaijan B.V/Total E&P Absheron B.V” arasında ikitərəfli elmi əməkdaşlığa dair müqavilə imzalanıb. Müqavilənin məqsədi İnstitutun “Palçıq vulkanizmi” şöbəsinin alimləri fransız həmkarları ilə birlikdə prof. Adil Əliyevin rəhbərliyi altında Qobustanın cənub-qərbində yerləşən Ayazaxtarma palçıq vulkanın geoloji və struktur quruluşunu öyrənməkdir.

Çöl-tədqiqat işlərində “Palçıq vulkanizmi” şöbəsinin aparıcı elmi işçisi, Yer elmləri üzrə fəlsəfə doktoru Orxan Abbasov, elm işçisi Elnur Baloğlanov və “Total E&P Azerbaijan B.V/Total E&P Absheron B.V”nun aparıcı mütəxəssisi Patris İmbert, Tuluza Universitetinin professoru Fransis Odonne, Lil Universitetinin doktorantı Matieu Dupuis, magistri Dofal Antoni və Po Universitetinin magistri Teymur Figarov iştirak edir.

Əməkdaşlıq müqaviləsinə görə aparılan elmi-tədqiqat işlərinin nəticələri birgə hazırlanacaq və çap olunacaq elmi nəşrlərdə öz əksini tapacaqdır.

© Bütün hüquqlar qorunur. Xəbərlərdən istifadə edərkən www.gencalimler.az saytına istinad zəruridir.