İyn 06 , 2016 | 04:00 / Mühüm hadisələr
AMEA Mərkəzi Nəbatat Bağının (MNB) əməkdaşları b.ü.f.d. Elmira Səfərova və b.ü.f.d. Ceyran Nəcəfova Antalya şəhəri Pamukkale Universitetində (Türkiyə) keçirilən “SEAB-2016. Avrasiyada Biomüxtəliflik” mövzusunda Beynəlxalq simpoziumda iştirak ediblər. Konfransda Azərbaycan, Türkiyə, Qazaxstan, Belarusiya və Rusiyadan olan 100-dən artıq elmi əməkdaş Avrasiyada biomüxtəlifliyin mövcud vəziyyəti və biomüxtəlifliyin qorunması üzrə mövzularla çıxış ediblər. MNB-nın elmi işçisi Elmira Səfərova “Abşeronda örtülü şəraitdə Sambak jasmininin bioekoloji xüsusiyyətləri və becərilməsi” və C. Nəcəfova “Abşerona introduksiya olunmuş şərq alması növünün cücərtilərinin boy və inkişaf xüsusiyyətləri” adlı məruzə ilə cixiş ediblər. Məruzələr maraqla dinlənilib və sertifikata layiq görülüb.
Simpozium çərçivəsində iştirakçılar Türkiyənin Antalya şəhərində keçiriləcək “Expo 2016” (muzeylər, bağçalar və botanika bağlarının sərgisi) adlı sərgini ziyarət ediblər.