22 may - 04 iyun 2016-cı il tarixlərində Almaniyanın Justus Liebig Giessen Universitetində  "Ətraf mühitə kənd təsərrüfatının təsirinin qiymətləndirilməsi metodları" mövzusunda yay məktəbi "DAAD Summer Scool-2016" təşkil olunub. Təxminən 2 həftə davam edən kursda Albaniya, Azərbaycan, Gürcüstan və Kosovoda olan qabaqçıl tələbə və gənc tədqiqatçılar iştirak edib. Bu əhəmiyyətli kursa ölkəmizdən AMEA akad. Ə.Quliyev adına Aşqarlar Kimyası İnstitutunun gənc mütəxəssisi Səbiyə Osmanova qatılıb. Almaniya Mübadilə Proqramı çərçivəsində maliyyələşdirilən kursda iştirakçılara mövzuya uyğun tədqiqatlarla məşğul olan elm mərkəzlərinin aparıcı professorları mühazirə oxumuşlar. Eyni zamanda nəzəri biliklərin praktikada tətbiqi üçün kurs iştirakçıları ayrı-ayrı institutlarda təcrübə keçiblər. Kursunun sonunda təlim iştirakçılarına sertifikatlar təqdim olunub.

© Bütün hüquqlar qorunur. Xəbərlərdən istifadə edərkən www.gencalimler.az saytına istinad zəruridir.