AMEA Mərkəzi Nəbatat Bağının Gənc Alim və Mütəxəsislər şurasının sədri Fərid Seyfullayev Tbilisi (Gürcüstan) şəhərində  keçirilən  “İtmə təhlükəsi olan reliktlər: onların Avrasiya boyunca qorunması imkanları və tədqiqat layihələri” adlı beynəlxalq simpoziumda iştiak edib. İsveçrə, İtaliya, Polşa, İran, Çin, Yaponiyadan olan alimlərin də iştirak etdiyi tədbirdə F.Seyfullayev “Azərbaycanda bitən relikt şabalıdyarpaq palıdların radial artım xüsusiyyətləri” mövzusunda məruzə ilə çıxış edib və mövzu ətrafında fikir mübadiləsi aparılıb. Alimlər relikt ağacların qorunması imkanlarını müzakirə ediblər. Gənc alimin maliyyə xərcləri İsveçrənin Frayburq Universiteti tərəfindən ödənilib.