Fotos
AMEA GEOLOGİYA VƏ GEOFİZİKA İNSTİTUTUNDA GƏNC ALİMLƏRİN NÖVBƏTİ ELMİ SEMİNARI KEÇİRİLİB
Sen 21 , 2016 | 03:00 / Mühim hadisələr
Oxunma ( 2591 )

20.09.2016-cı il tarixdə AMEA Geologiya və Geofizika İnstitutunun gənc alim və mütəxəssislərin növbəti seminarı keçirilib. İnstitutun İctimaiyyətlə əlaqələr şöbəsinə istinadən yayılan məlumata görə, AMEA Gənc Alim və Mütəxəssislər Şurasının sədri, Yer elmləri üzrə fəlsəfə doktoru Orxan Abbasovun sədrlik etdiyi tədbirdə ““Carli 3” quyusunun geotermal enerji potensiali və ondan istifadə perspektivləri” mövzusunda məruzə dinlənilib. İnstitutun Geotermiya şöbəsinin elmi işçisi Veysəl Məmmədov çıxış edərək mövzu üzrə tədqiqatlarından bəhs edib. Məruzəçi bildirib ki, tədqiqat işi Azərbaycan Respublikasının Prezidenti yanında Elmin İnkişafı Fondunun 2013-cü ildə ayırmış olduğu qrant dəstəyi ilə yerinə yetirilib.

Gənc alim diqqətə çatdırıb ki, Azərbaycan ənənəvi neft-qaz ölkəsi olduğundan ölkədə alternativ enerji resusrları, onların digər növ enerji mənbəri kimi öyrənilməsi və istifadəsi ikinci dərəcəli mahiyyət daşıyır. Ona görə də, “Carli 3” quyusunun timsalında tədqiqatlar aparılıb və müəyyən nəticələr alınıb. Qeyd olunub ki, quyunun böyük geotermal enerjiyə malik suyu illərdir yer səthinə xaric olunur və istifadə edilmir. Bu cür quyulardan istifadə ölkə rəhbərliyinin ərazilərimizdəki enerji resusrslarının artırılması və onlara qənaət olunması üzrə siyası strategiyasından irəli gələn vəzifədir. Odur ki, ekoloji və iqtisadi cəhətdən səmərəli hesab olunan geotermal suaların istifadəsi işində xarici ölkələrin təcrübəsindən yararlanmaq önəmli məsələlərdəndir

və bunun üçün hazırda mühüm imkanlar vardır. Həmin imkanlardan öz təqiqatları əsasında danışan V.Məmmədov təklif və tövsiyələrini də seminar iştirakçılarının diqqətinə çatdırıb.

Məruzə maraqla qarşılanıb, suallar cavablandırılıb.

 

Şurаnın fəaliyyətinin əsаs məqsədi AMEA üzrə fəaliyyət göstərən gənclərin еlmi pоtеnsiаlının аrtırılmаsı, müxtəlif təşəbbüslərinin stimullаşdırılmаsı, elmə axının təmin olunması, asudə vaxtlarının səmərəli keçirilməsinin təşkili,əldə еtdikləri еlmi yеniliklərin müxtəlif kütləvi informasiya vasitələrində işıqlandırılması, onlara mеtоdiki, infоrmаsiyа yаrdımının göstərilməsi və s. həyata keçirlməsindən ibarətdir. Şurаnın fəaliyyətinə həmçinin, elmin respublika üzrə təbliğ edilməsi və Azərbaycan elminin dünya elminə inteqrasiyasının sürətləndirilməsi məsələləri daxildir.