Bu gün Gəncə şəhərində keçirilən “XXI əsrdə dünya elminin inteqrasiya prosesləri” mövzusunda gənc alim və mütəxəssislərin 4 günlük beynəlxalq Forumu öz işinişini yekunlaşdırdı. Bu münasibətlə AMEA Gəncə Bölməsində Forumun bağlanış mərasimi oldu. AMEA Gənc Alim və Mütəxəssislər Şurasının sədri, dosent Famin Salmanov, AMEA Gəncə Bölməsinin akademik katibi, akademik Fuad Əliyev, Türkiyə, İran, Rusiya, Belorusiya, Gürcüstandan olan nümayəndələr çıxış edərək, bu möhtəbər tədbir haqqında fikirlərini ifadə etdilər, Forumun əhəmiyyətini vurğuladılar. Sonra konfrans iştirakçılarına və Elmi Forumun Təşkilat komitəsinin üzvlərinə sertifikatlar təqdim olundu, onlar şəhərin tarixi yerləri və abidələri ilə tanış oldular.